चक्रीवादळ कुठे धडकनार, राज्यात थंडी वाढनार

महाराष्ट्रावर आज (ता.३०) उत्तरेकडील महाराष्ट्राचे भागावर १०१२ हेप्टापास्कल व दक्षिण भागावर १०१० हेप्टापास्कल इतका कमी हवेचा दाब राहील. त्यानुसार किमान तापमान थोडे अधिक राहून थंडीचे प्रमाणही कमी राहील. मात्र उद्यापासून बुधवार (ता.१ ते ३ डिसेंबर) व शुक्रवारी (ता. ५ डिसेबर) महाराष्ट्रावर १०१४ हेप्टापास्कल इतके हवेचे दाब राहतील. त्यानुसार किमान तापमानात घसरण झालेली होऊन थंडीत वाढ होईल.

ADS किंमत पहा ×

तसेच गुरुवारी (ता.४ डिसेंबर) हवेच्या दाबात वाढ होऊन ते १०१६ हेप्टापास्कलपर्यंत वाढतील. त्यानंतर किमान तापमानात घसरण होऊन थंडीची तीव्रता व प्राबल्य आणखी वाढेल. दुपारीही थंड लहरी जाणवतील व हवामान थंड राहील. यापुढे कमाल व किमान तापमानातील घसरण सुरूच राहील.

आज (ता.३० नोव्हेंबर) हिंदी महासागरात श्रीलंकेजवळ चक्रीय वादळ पोचून त्याचा प्रवास उत्तरेच्या दिशेने सुरू राहिले. पुढे ते बंगालच्या उपसागरात प्रवेश करून तमिळनाडूपासून आंध्र किनारपट्टीपासून जवळून उत्तरेस जाईल. मंगळवारी (ता.२) चक्रीय वादळ आंध्रप्रदेश किनारपट्टीजवळून ओरिसा किनारपट्टीपर्यंत मजल मारेल. त्यापुढे त्याचा प्रवास बंगालच्या उपसागरातून झारखंड व पश्चिम बंगालचे दिशेने राहील. शनिवारी (ता.६) ते पश्चिम बंगालच्या भूपृष्ठावर पोहोचेल. या सर्व प्रवासात मोठ्या प्रमाणात बाष्प दक्षिण भारतावर राहील. त्यामुळेच अधूनमधून महाराष्ट्रातील हवामान ढगाळ राहील.

ADS किंमत पहा ×

त्याचा प्रभाव भारताच्या पूर्व भागातील प्रदेशात अधिक राहील. तसेच हिंदी महासागर, बंगालचा उपसागर व अरबी समुद्राचे पाण्याच्या पृष्ठभागाचे तापमान २९ अंश सेल्सिअस समान राहण्यामुळे हवामान स्थिर राहील. प्रशांत महासागराचे पाण्याचे पृष्ठभागाचे तापमान पेरुजवळ १५ अंश सेल्सिअस तर इक्वेंडोरजवळ २५ अंश सेल्सिअस राहील. त्यामुळे ‘ला निना’चा प्रभाव कमी होईल व मोठे हवामान बदल जाणवणार नाहीत.

ADS किंमत पहा ×