2 डिसेंबरला सरकार पडनार, मग कर्जमाफीचं काय होनार..महायूती तुटनार ; सध्या महाराष्ट्रातील राजकारणात महायुतीमध्ये (भाजप, एकनाथ शिंदे शिवसेना आणि अजित पवार राष्ट्रवादी) अंतर्गत संघर्ष तीव्र होताना दिसत आहे. स्थानिक स्वराज्य संस्थांच्या निवडणुकांमध्ये हे घटक पक्ष एकमेकांसमोर उभे ठाकल्याने तणाव वाढला आहे. याच दरम्यान, भाजपचे प्रदेशाध्यक्ष रवींद्र चव्हाण यांनी ‘२ डिसेंबरपर्यंत ही युती टिकवायची आहे,’ असे केलेले विधान लक्षवेधी ठरले. या विधानामुळे सरकार कोसळण्याची शक्यता असल्याची चर्चा राजकीय वर्तुळात रंगू लागली, मात्र यामागे भाजपची एक विशिष्ट रणनीती असल्याचे विश्लेषण केले जात आहे. भाजप स्वबळावर मजबूत असल्याने, सरकार लगेच कोसळण्याची शक्यता नाही.
रवींद्र चव्हाण यांच्या विधानाचा खरा अर्थ म्हणजे भाजप आपल्या मित्रपक्षांना, म्हणजेच एकनाथ शिंदे आणि अजित पवार गटाला, ‘अवकातीत राहण्याचा’ इशारा देत आहे. ‘तुम्ही आमच्या टेकूवर उभे आहात आणि आम्ही टेकू काढला तर तुमची मंत्रिपदे जातील,’ हा स्पष्ट संदेश त्यामागे आहे. दुसरीकडे, एकनाथ शिंदे यांनी देवेंद्र फडणवीस यांच्याबद्दलच्या तक्रारी घेऊन दिल्लीत अमित शहांची भेट घेतली, पण शहांनी त्यांना पुन्हा फडणवीसांकडेच स्थानिक प्रश्न सोडवण्यासाठी पाठवले.
