चंपाषष्ठी नंतर कांद्याच्या भावात होनार वाढ..पहा कारण ; चंपा षष्ठीनंतर (दिनांक २६ नोव्हेंबर) महाराष्ट्रासह अनेक ठिकाणी कांद्याची मागणी वाढू शकते, असा बाजारपेठांमधील व्यापाऱ्यांचा अनुभव आहे. या पोष्टमध्ये नवीन लाल कांदा आणि साठवणूक केलेला उन्हाळी कांदा या दोन्हींच्या दरांचा आठवडाभराचा आढावा घेण्यात आला आहे, जेणेकरून शेतकऱ्यांना विक्रीचा निर्णय घेण्यास मदत होईल.
नवीन लाल कांद्याच्या संदर्भात सध्यातरी सकारात्मक चित्र आहे. विशेषतः बियाण्यासाठी (बिजवाई) खरेदी होत असलेल्या चांगल्या प्रतीच्या लाल कांद्याला नाशिक जिल्ह्यातील उमराणे, लासलगाव, पिंपळगाव यांसारख्या बाजारपेठांमध्ये कमाल ₹३,००० प्रति क्विंटलपर्यंत दर मिळत आहेत. मात्र, हा दर निवडक आणि उत्तम प्रतीच्या मालासाठीच आहे; सर्वसाधारणपणे नवीन लाल कांद्याचा सरासरी दर ₹१,२०० ते ₹१,५०० च्या दरम्यान टिकून आहे. लाल कांद्याचे बाजारभाव येणाऱ्या काळात वाढतील आणि स्थिर राहतील, असा अंदाज व्यक्त करण्यात आला आहे.
