सेन्यार चक्रीवादळ येतंय ; भारतीय हवामान विभागाने (IMD) चक्रीवादळ सेन्यारबाबत ताजी सूचना जारी केली आहे. विभागाच्या मते, मलेशिया आणि लगतच्या मलक्का सामुद्रधुनीवरील कमी दाबाचे क्षेत्र हळूहळू मजबूत होत आहे आणि हळूहळू बंगालच्या उपसागराकडे सरकत आहे. पुढील २४ तासांत ही प्रणाली दक्षिण अंदमान समुद्रावर कमी दाबाच्या पट्ट्यात रूपांतरित होण्याची दाट शक्यता आहे. त्यानंतर, २६ नोव्हेंबरच्या सुमारास हे कमी दाबाचे पट्टे चक्रीवादळ सेन्यारमध्ये तीव्र होऊ शकते, ज्यामुळे अंदमानपासून देशाच्या किनारपट्टीपर्यंतच्या किनारी भागांना धोका निर्माण होऊ शकतो.
या संभाव्य वादळामुळे २५ ते २९ नोव्हेंबर दरम्यान अंदमानपासून ओडिशाच्या किनाऱ्यावर मुसळधार पाऊस पडण्याची शक्यता आहे. आयएमडीच्या अंदाजानुसार, २५ ते २९ नोव्हेंबर दरम्यान अंदमान आणि निकोबार बेटांवर खूप मुसळधार पाऊस पडण्याची शक्यता आहे.
