पाकीस्तानची मदत नको रे बाबा ; श्रीलंकेत मदत उघडताच धक्का ; श्रीलंकेत अलीकडेच आलेल्या ‘दिटवाळ’ चक्रीवादळामुळे मोठे संकट निर्माण झाले आहे. या महाभयंकर वादळामुळे प्रचंड पूर आला, ज्यात ३९० हून अधिक लोकांचा मृत्यू झाला, तर सुमारे १.१ लाखांहून अधिक लोकांना फटका बसला आणि दोन लाखांहून अधिक लोक सध्या निवारागृहांमध्ये राहत आहेत. या संकटाच्या काळात भारताने भरभरून मदत पाठवून श्रीलंकेला मोठा आधार दिला. दुसरीकडे, बंधुत्वाच्या नात्याने मदत करण्याचा दावा करत पाकिस्ताननेही २९ नोव्हेंबर रोजी नौदलाच्या जहाजाद्वारे अन्नधान्य, वैद्यकीय साहित्य, तंबू आणि इतर आवश्यक वस्तू कोलंबो बंदरावर पाठवल्याची घोषणा केली.
मात्र, पाकिस्तानच्या या मदतीचा खरा चेहरा श्रीलंकेच्या अधिकाऱ्यांनी जेव्हा ही मदत उघडली तेव्हा जगासमोर आला. पाकिस्तानने पाठवलेल्या अनेक पॅकेट्सची मुदत उलटून गेली होती; म्हणजेच ते वैद्यकीय साहित्य आणि खाद्यपदार्थ मुदत बाह्य (Expired) होते. ऑक्टोबर २०२४ ची एक्सपायरी डेट असलेले पदार्थ आणि औषधे या मानवतावादी संकटाच्या वेळी पाठवल्याने श्रीलंकेसह संपूर्ण जगाला धक्का बसला.
